Súltutoy:

300 g av frystum berðum

150 g av hunangi

saft av 1 sitrón

40 g av chia fræum

Soleiðis:

Hita berðini, hunangin og sitrónsaftina við miðal hita. Hita til tað byrjar at kóka. Skrúða niður til lágan hita og koyr chia fræðini í. Rør væl og læt simra í uml. 10 min.

Læt kølna í meðan tú ger køkurnar.

Køkur:

3 spsk. cashew- ella mandlusmør

50 g av kokusolju (stovuhita)

5 spsk. hunangi

2 tsk. sitrónsaft

skalið av einari 1/2 sitrón

1 egg (stovuhita)

100 g av mandlumjøli

30 g av kokusfiburmjøli

1/2 tsk. natron

eitt nips salt

Soleiðis:

Blanda alt tað turra saman – mandulmjølið, kokusfiburmjølið, natronið og saltið. 

Blanda so cashew- ella mandlusmørið, kokusoljuna, hunangin, sitrónsaftina og sitrónskalið saman. Blanda til tað er mjúkt og samanhangandi. Koyr so alt tað turra í. Blanda væl.

Koyr eggið í og blanda aftur.

Set deiggið í kuldaskápið í 20 min, so tað blívur fastari í tí.

Tendra ovnin á 175°

Legg bakipappír á tvær bakiplátur, so tær eru klárar.

Tak deiggið úr kuldaskápinum og koyr tað í ein sproytiposa. 

Sproyta passaliga stórar toppar á bakipappírið. Ger peikifingurin vátan, og sting eina kullu niður í topparnar, so tað er pláss til súltutoyið. Koyr eina 1/2 tsk. av súltutoyið í kullurnar. Goym restina av súltutoynum í einari reinari krukku, og goym tað í kuldaskápinum til eitt annað høvi.

Baka í heita ovninum í 10 – 12 min. 

læt køkurnar kølna á einari rist.